دو پهرلهمانتارێن كوردستانێ بهیاننامهیهك ل دۆر نهخۆشبوونا دكتور كازم فاروقى بهلاڤكر و راگههاندن، ئهو ههر ل دهستپێكا نهخۆشبوونا دكتور كازمى ئاگههدارى هندهك نههێنیییان بوون، و پهرلهمان ئاگههداركر كو دكتو كازم فاروق ب بابهتهكێ گوماناوى نهخۆشبوویه و خوارن و ڤهخوارن ژ دهستداینه.
ههردو ئهندام پهرلهمانێن كوردستانێ رۆپاك ئهحمهد و بهدریه ئیسماعیل ئاشكراكرن، ئهو دگهل سهرۆكا پهرلهمانى كۆمبوون و بۆ دیاركربوو، دكتور كازمى ب حهزا خوه مهرهم نینه دهست ژ كارێ پهرلهمانى بهردهت، لهوما دكتور رێواز فایهق گوت: ئهو دهست ژ كاركێشانا دكتور كازمى قهبوول ناكهت و دبهرنامهیێ كاریدا نا دانیت، و پهرلهمان دێ ههموو خهرجییێن نهخۆشكهڤتنا وى ب ستوویێ خۆڤهگریت، لێ ژبهر رهوشا خراب یا دكتورى نهشیان دكتورى ببینن.
زێدهتر ئهوان پهرلهمانتاران دیاركر، ل دهمێن بوورى ئهوان چهندین پهیوهندى ب دهیكا دكتور كازمى كرینه و ژ نێزیك ئاگههدارى رهوشا كورێ وێ بوون، و دووماهیك جار پهیوهندى ب دهیكا وى كرى، زانى كو رهوشا كورێ وێ یا خرابه و ماوێ سێ ههیڤانه لژێر ههناسهیا دهستكردایه.
ههروهسا پهرلهمانتارێن ناڤبرى گوت: ئهو ل ئێكهم رۆژا نهخۆشبوونا دكتورى و ههتا نوكه ل سهر خهت بووینه، بهشهك ژ گومانێن وان دیكۆومێنت بووینه و ل زار دهڤێ دكتورى هندهك زانیارى ل سهر ئهگهرێ نهخوشبوونێ لدهڤ وان ههنه، بهلێ ژبهركو نوكه دكتور دناڤبهرا ژیان و مرنێدایه چ تشتان نابێژن.
