شێروان دوبەردانی: ھەردو وەزارەتێن مایی پشکا پارتینە

ئاژانسا خانی  ، تایبەت:

پەرلەمانتارەکێ پارتی ئاشکرا کر، پشتی کۆنگرێ پارتی دێ ھەردو وەزارەتێن مایی ل حوکمەتا عێراقێ ھێنە ئێکلا کرن و دبێژیت، لدووڤ رێژا کۆرسییان ھەردو وەزارەت پشکا پارتینە و پشتی کۆنگره‌یی دێ وەزیرێن وان ژی دەست بکار بن.

شێروان دوبەردانی، پەرلەمانتارێ فڕاکسیۆنا پارتی ل پەرلەمانی عێراقێ بۆ ئاژانسا خانی دیار کر” دو وەزارەتێن کوردان ھێشتا ڤالا ماینە و نەھاتینە پر کرن، وەزارەتا ئاڤاکرنێ ئێکلابوویە بۆ پارتی و وەزارەتا دی ژی پارتی ب مافێ خوە یێ قانوونی دزانیت، چونکی ھەلبژارتنێن بوری پارتی ٣١ کۆرسی بدەستڤە ئیناینە و ل گورەیی خالێن ھاتینە دانان بۆ بەلاڤکرنێ پۆستێن حوکمەتێ دڤێت ھەردو وەزارەت بۆ پارتی بن.

ناڤهاتی گۆت ژی” پارتی نوکە مژوولی گرێدانا کۆنگرەیە و پشتی کۆنگره‌یی دێ ئەو بابەت ھێتە ئێکلا کرن ژلایێ سەرۆک بارزانی ڤه‌، بەلێ وەکی ماف ھەردو وەزارەت پشکا پارتی دیموکراتی کوردستانن، ئەز باوەرم د کۆمبوونا داھاتییا پەرلەمانێ عێراقێ بەربژارێن ھەردو وەزارەتان دێ دەنگ ل سەر ھێتەدان” داكو ئەو ژی دەست بکار بن.