مه‌سرور بارزانی پێشوازی ل جێنین پلاسخارتێ كر

ئه‌ڤرۆ دوشه‌مبی مه‌سرور بارزانی سه‌رۆكێ حكومه‌تا هه‌رێما كوردستانێ پێشوازی ل‌ جینین پلاسخارت نوونەرا تایبەتا سکرتێرێ گشتی یێ نەتەوێن ئێکگرتی ل عێراقێ كر.

د كۆمبوونه‌كێدا دانوستاندن ده‌رباره‌یی پرۆسا سیاسی و ره‌وشا گشتی یا عێراقێ پشتی دەست بکاربوونا حکومەتا نوو هاته‌ کرن، دوپاتی ل هندێ هاته‌ كرن كو پێدڤییه‌ هەموو لایەن پشته‌ڤان بن بۆ سەرخستنا کارناما حکوومەتا نوو” داكو بشێت بێی جۆداهی خزمەتا هه‌موو وه‌لاتییان و پێکهاتێن عێراقێ بکه‌ت، هه‌روه‌سا کێشێن هه‌لاویستی یێن دناڤبه‌را هەرێما کوردستانێ و حکومەتا فیدرالی لدووڤ دەستووری چارەسەر بکه‌ت.

چاکسازییێن کابینا نه‌هێ، ب تایبەتی پرۆسا ئاڤاكرنا ژێرخانه‌كا دیجیتالی ل هەرێما کوردستانێ، پشكه‌كا دیتر یا گوتۆبێژێن دناڤبه‌را هه‌ردو ئالیان دابوو.