<h3 style="text-align: justify;"><span style="font-size: 18pt;">سهرۆكێ حكومهتا ههرێما كوردستانێ پشكدارى د دیدارا میرى دا كر و دپانێلهكێ تایبهتدا دانوستاندن ل دۆر چهند بابهتان كر، ههروهسا پهیامهك ئاراستهیى سهرۆكوهزیرێن نوو یێ عیراقێ محهمهد شیاع سوودانى كر.</span></h3> <h3 style="text-align: justify;"><span style="font-size: 18pt;">مهسرور بارزانى سهرۆكێ حكومهتا ههرێما كوردستانێ دپهیاما خوهدا دیاركر، ئهركهكێ گران لسهر ملێن سهرۆكوهزیرێن نوو یێ عیراقێ محهمهد شیاع سوودانییه و داخوازا سهركهڤتنێ بۆ دكهت و گوت : عیراق درهوشهكا خرابدا دبووریت و ئهگهرێن وێژى گهلهكن، بهشهكێ ئهگهران گرێداى كارتێكرنێن دهرڤهیه، و بهشێ دیژى پهیوهندى ب شاشییێن كابینهیێن بهرێڤه ههیه و راستكرنا ئهوان شاشییان یا بساناهى نینه.</span></h3> <h3 style="text-align: justify;"><span style="font-size: 18pt;">مهسرور بارزانى دیارژى كر، خهلك ژ ههموو دهمێن دى پتر پێدڤى ب خزمهتگوزارییایه، ههر سهرۆك وهزیرهكێ بڤێت یێ سهركهڤتى بیت، بهرى ههموو تشتان دڤێت پرۆژهیێن خزمهتگوزارییان بۆ خهلكى زێده بكهت، ههموو بزاڤان بۆ زێدهكرنا خزمهتگوزارییان و كێمكرنا گهندهلییێ و بلهز برێڤهبرنا كاروباران بكهت، ژبهركو عیراق ل ئاستهكى راوهستییایه ههر پێشكهڤتنهك ههبیت دێ گهلهك مهزن هێته پێشچاڤ.</span></h3> <h3 style="text-align: justify;"><span style="font-size: 18pt;">ههروهسا ئاشكراكر، هیڤییا وى ئهوه ههموو لایهن پشتهڤان بن، ژبهركو ب مخابنیڤه گهلهك جاران لایهنێن سیاسى ل شوونا هندێ كو د هاریكاربن، ژبهر ههڤركییێن سیاسى ئهركێن ل پێشییا حكومهتێ ژ بیر دكهن.</span></h3>
