نێچیرڤان بارزانى : سه‌رۆكوه‌زیرێن نوو یێ عیراقێ ژ هه‌ژى هندێیه‌ پشته‌ڤانییا وى بهێته‌ كرن

سه‌رۆكێ هه‌رێما كوردستانێ راگه‌هاند، محه‌مه‌د شیاع سوودانى سه‌رۆكوه‌زیرێن نوو یێ عیراقێ ژ هه‌ژى هندێیه‌ پشته‌ڤانییا وى بهێته‌كرن، و داخواز كر ده‌رفه‌ت پێ بهێته‌دان داكو چاره‌سه‌رییان بۆ هنده‌ك ژ وان ئاریشه‌یێن ل عیراقێ هه‌ین، ببینیت.

نێچیرڤان بارزانى سه‌رۆكێ هه‌رێما كوردستانێ ل دیدارا میرى ل دۆر ره‌وشا ئێمناهییا عیراقێ گوت : ئه‌گه‌ر ره‌وشا ئێمناهییا عیراقێ تێكبچیت، هه‌رێما كوردستانێ ژى دێ تێكچیت، هیڤییا وى ئه‌وه‌ عیراق و هه‌رێما كوردستانێ شیابن وانه‌یان ژ رابردووى وه‌ربگرن.

سه‌رۆكێ هه‌رێما كوردستانێ ئاماژه‌ ب هندێ دا، مام جه‌لا و سه‌رۆك بارزانى ئه‌وا دشیانێن واندا هه‌ی بۆ ئه‌ڤێ عیراقێ كرییه‌.