ساخله‌مییا چه‌مچه‌مالێ راگه‌هاند، د روودانه‌كا هاتنوچوونێدا ل ناحییا قادركه‌ره‌م و ل نێزیك پالاوگه‌ها كۆرمۆر، دوو پێشمه‌رگه‌یان گیانێ خوه ژ ده‌ستدا و سێیێن دی ژى برینداربوون.
ئه‌ڤرۆ حه‌فتى چریا دووێ یا 2022ێ رێڤه‌به‌رییا گشتییا ساخله‌مییا چه‌مچه‌مالێ راگه‌هاند، ژ ئه‌گه‌رێ روودانه‌كا هاتنوچوونێ ل ناحییا قادركه‌ره‌م نێزیكى پالاوگه‌ها كۆرمۆر دوو پێشمه‌رگه‌یان گیانێ خوه ژ ده‌ستدا و سێیێن دی ژى د ژییێن ( 30،32 و 35 ) سالییێدا برینداربوون.
ئاماژه ب هندێ ژى دا، پشتى روودانێ تیما هه‌وارهاتنا بله‌ز یا مه‌لبه‌ندێ ساخله‌مییا شه‌هید عه‌سكه‌رى قادركه‌ره‌م و شه‌هید وریا یا ته‌كیه‌یا جه‌بارى، كو سه‌ر ب رێڤه‌به‌رییا ساخله‌مییا چه‌مچه‌مالن چوونه جهێ روودانێ و بریندار ڤه‌گوهاستنه سه‌نته‌رێ هه‌وارهاتنا چه‌مچه‌مالێ.
ناحییا قادركه‌ره‌م سه‌ر ب قه‌زایا چه‌مچه‌مالێیه و چه‌ند كێلگه‌هێن به‌رهه‌مئینانا غازا سرۆشتى تێدانه، كو غازێ بۆ وه‌لاتى و وێستگه‌هێن كاره‌با هه‌رێما كوردستانێ دابیندكه‌ت.
