محەمەد شیاع سوودانی، سەرۆك وەزیرێن عیراقێ و فەرماندێ گشتی یێ هێزێن چەكدار یێن عیراقێ د نڤیسارەكێ دا نڤێسینا كۆمێنت و توویتان بۆ بابەتێن سیاسی ژلایێ سەرجەم هێزێن ئەمنی ڤە قەدەغەكر.
د وێ نڤیسارا نڤێسینگەها سەرۆك وەزیرێن عیراقێ دا كو ئیمزایا عەبدولكەریم عەبدولحەسەن، سكرتێرێ تایبەت یێ فەرماندێ گشتی یێ هێزێن چەكدار یێن عیراقێ ل سەرە هاتییە، ل سەر راسپاردا سەرۆك وەزیران سەبارەت ب چارەسەرییا دیاردا بكارئینانا تۆرێن جڤاكی ژلایێ فەرماندە و ئەفسەر و كارمەندێن هێزێن ئەمنی ڤە بریار هاتەدان لێپرسین لگەل وان كەسان بهێتەكرن یێن تۆرێن جڤاكی ب شێوەیەكێ خراب بكارئینن.
