رێڤەبەرێ گشتی یێ سكران ل هه‌رێمێ: هه‌تا ده‌ستپێكا سالا بهێت دێ حه‌فت سكران ته‌مام كه‌ین

رێڤەبەرێ گشتی یێ سكران ل هەرێما کوردستانێ دیار كر، هه‌تا دووماهییا ئەڤ ساله‌ و ل ده‌ستپێكا سالا بهێت دێ نێزیکی حەفت سكران ل هەرێما کوردستانێ کارێن وان تەمام بن و دێ د ئامادە دەبن ئاڤێ به‌رده‌ینێ و گۆت ژی، زێده‌باری هندێ كو سكرێن دۆکان و دەربەندیخان 30٪ی ئاڤا کۆگه‌هكری یا عیراقێ دابین دکەن، بەلێ حکومەتا فیدرالی یا عێراقێ ب ئەرکێ خوه‌ یێ دەستووری رانه‌بوویه‌ بۆ پشته‌ڤانییا بەنداڤێن هەرێما کوردستانێ.

رەحمان خانی، ئه‌و ژی گۆت، ل هەرێمی کوردستانێ سێ سكرێن مه‌زن هەنه‌” دۆکان، دەربەندیخان و دهۆک” گۆت ژی، ئاستێ ئاڤا سكرێ دەربەندیخان ل چاڤ سالا بوری باشترە، بەلێ هەر ئێك ژ سكرێن دۆکان پتر ژ مەتره‌كێ و سكرێ دهۆکێ نێزیکی 1.5 مەتران کێمترە ل چاڤ سالا بوری.

ناڤهاتی گۆت ژی: ئاستێ ئاڤا کۆگه‌هکری یا سكرێن هەرێما کوردستانێ کێمبوویە، بەلێ ب هه‌ڤبهر ‌كرن ب سكرێن دەوروبەرێن مه‌ باشترە، “ئەو پلانێن بۆ کارکرنا سكران هاتینه‌ دانان گه‌له‌ك ب باشی هاتینه‌ بجهئینان.”