حكومه‌تا هه‌رێما كوردستانێ شانده‌ك بۆ دانوستاندنان دگه‌ل به‌غدا پێكئینا

حكومه‌تا هه‌رێما كوردستانێ شانده‌ك بۆ دانوستاندنان دگه‌ل حكومه‌تا نوو یا عیراقێ و چاره‌سه‌ركرنا ئاریشه‌یێن هه‌لاویستى یێن دناڤبه‌را هه‌ولێر و به‌غدا دا پێكئینا.

شاندێ هه‌رێما كوردستانێ ژ وه‌زیرێ دارایى، وه‌زیرێ سامانێن سرۆشتى ب وه‌كاله‌ت، وه‌زیرێ پلاندانانێ، سه‌رۆكێ دیوانا جڤاتا وه‌زیران، سكرتێرێ جڤاتا وه‌زیران، سه‌رۆكێ فه‌رمانگه‌ها هه‌ماهه‌نگى و دوڤچوونان و په‌یڤدارێ حكومه‌تا هه‌رێما كوردستانێ پێكدهێت.

شاندێ ده‌ستنیشانكرى هاتییه‌ راسپاردن كو ل نێزیكترن ده‌م و ژ چارچووڤێ مافێن ده‌ستوورى و بریارێن جڤاتا وه‌زیران یێن تایبه‌ت ب كه‌یسێن هه‌لاویستى، ده‌ست ب دانوستاندنان بكه‌ن، و دووپاتییێ ل بجهئینانا كارنامه‌یا حكومه‌تا فیدرال و ئه‌و رێككه‌ڤتنا سیاسى یا ل جڤاتا نوونه‌رێن عیراقێ ده‌نگ لسه‌ر هاتییه‌ دان بكه‌ن.