شانده‌كێ مسرى دێ سه‌ره‌دانا ئیراقێ كه‌ت

خانی نیوز:
شانده‌كێ بلند یێ كۆمارا مسرا عه‌ره‌بى دێ سه‌ره‌دانا به‌غدا یا پایته‌ختێ عیراقێ كه‌ت و دێ  دگه‌ل به‌رپرسێن حكومه‌تا ئیراقێ كۆم بیت.
شاندێ مسرێ ب سه‌رۆكایه‌تییا مسته‌فا مه‌دبوولى، سه‌رۆكوه‌زیرێن مسرێ ئه‌ڤرۆ رۆژا سێشه‌مبى دێ سه‌ره‌دانا به‌غدا یا پایته‌ختێ ئیراقا فیدرال كه‌ت، و دێ دگه‌ل مسته‌فا كازمى، سه‌رۆكوه‌زیرێن ئیراقێ كوم بیت.
بریاره‌ ل روژا دوشه‌مبییا بهێت ب سه‌رپه‌رشتییا مسته‌فا كازمى سه‌روكوه‌زیرێن ئیراقێ  ومسته‌فا مه‌دبوولى، سه‌رۆك وه‌زیرێن مسرێ، هه‌مى رێككه‌فتنێن پێشتر دناڤبه‌را به‌غدا و قاهیره‌ دا هاتینه‌ كرن، بهێنه‌ ئیمزاكرن.
پێشتر به‌غدا و قاهیره‌ د بیاڤێن وزێ، چاندن، پیشه‌سازى، كاره‌ب، ئاڤ و ڤه‌گوهاستنێ دا رێككه‌فت بوون و نها ئه‌و شاند بۆ ئیمزاكرنا وان رێككه‌فتنان دێ سه‌ره‌دانا به‌غدا كه‌ت.