پشتى حكومه‌تا عیراقێ بڕیارداى 20% باجێ لسه‌ر كۆمپانییێن په‌یوه‌ندى و ئینته‌رنێتێ ڕاگرن چه‌ندین كۆمپانییان بهاییێن كارتێن خۆ كێمكرینه.
لدۆر ئه‌ڤى بابه‌تى کۆمپانیا کورەك تیلیکۆم پیرۆزباهییێن خۆ ئاراسته‌یى وه‌لاتییێن عیراقێ دكه‌ت ب ده‌ركرنا بڕیارا جڤاتا وه‌زیران بۆ ڕاگرتنا باجێ لسه‌ر كارتێن خزمه‌تگوزارییێن موبایل و ئینته‌رنێت، هه‌روه‌سا سوپاسییا سه‌رۆك وه‌زیران و ئه‌ندامێن جڤاتا وه‌زیران و د.هیام یاسر، وه‌زیرا په‌یوه‌ندییان كر بۆ ده‌ركرن ئه‌ڤێ بڕیارێ.
کۆمپانیا کورەك تیلیکۆم دیاركر، دێ ب شێوه‌یه‌كێ كاریگه‌ر بڕیارێ جێبه‌جێكه‌ین ب هه‌ماهه‌نگى دگه‌ل ده‌سته‌یا ڕاگه‌هاندن و په‌یوه‌ندییان( (cmc كو ڕۆله‌كێ گرنگ هه‌بوو د ڕاسپاردنا بڕیارێدا.
کۆمپانیا کورەك تیلیکۆم دیاركر، ل ده‌مه‌كێ نێزیك دێ ڕوونكرنه‌كا زێده‌تر بۆ پشكداربوویان به‌رچاڤكه‌ین لدۆر شێوازێ گوهورینا بهایێ كارتێ.
