فلمێن كوردی یێن فلمه‌ فیسته‌ڤالا دهۆك یا نێڤدەوله‌تی ل ناڤا کەمپێن پەنابەران دا دێ هێنه‌ نیشاندان

بۆ جارا ئێكێ هنده‌ك ژ فلمێن گه‌را نه‌هێ یا فلمه‌ فیسته‌ڤالا دهۆك یا نێڤدەولەتی ل ناڤا کەمپێن پەنابەرێن ڕۆژئاڤایێ کوردستانێ دێ هێنه‌ نیشاندان.

حه‌سه‌ن عارف، بەرپرسێ راگەهاندنا گه‌را نه‌هێ یا فلمه‌ فیسته‌ڤالا دهۆك یا نێڤده‌وله‌تی بۆ ئاژانسا خانی دیار كر: پتر ژ 100 فلمێن کوردی و بیانی د فلمه‌ فیسته‌ڤالا دهۆكێ د پشكدارن و هه‌روه‌سا پەیاما گه‌را نه‌هێ یا فیسته‌ڤالا دهۆكێ ل سه‌ر کۆچبەرییێ یە، له‌وما فلمێن كوردی یێن فیسته‌ڤالا دهۆكێ دێ دناڤا کەمپا پەنابەران ل دۆمیز هێن نیشاندان و ئه‌ڤه‌ جارا ئێكێ یه‌ ئه‌ڤ كاره‌ دناڤا كه‌مپان دا دهیته‌ كرن.”