مەسرور بارزانی، سەرۆکێ حکومەتا هەرێما کوردستانێ ئه‌ڤرۆ ل هه‌ولێرێ پێشوازی ل کایسا ئۆلۆنگریەن، وەزیرا به‌ره‌ڤانییا شانشینا هۆلەندا کر و دووپات ل هه‌رێما كوردستانێ كر كو وه‌ك هه‌رده‌م ژ فاكته‌رێن ئاسایش و سه‌قامگیریێ ل ده‌ڤه‌رێ و په‌یوه‌ندییێن دۆستانه دگه‌ل وه‌لاتێن جیران لسه‌ر بنه‌مایێ باش و رێز لێكگرتن و به‌رژه‌وه‌ندییێن هاڤبه‌ش.
مەسرور بارزانی و وەزیرا به‌ره‌ڤانییا شانشینا هۆلەندا، گرنگییا پاراستنا ئاسایش و سه‌قامگیرییێ ل هه‌رێما كوردستانێ، شه‌رمزاركرنا هێرشان بۆ سه‌ر هه‌رێمێ، پێشڤه‌چوونا پرۆسا رێكخستنا هێزا پێشمەرگە و چاکسازییێن وەزارەتا پێشمەرگە و به‌رهنگاربوونا هێرشێن تیرۆرستىییێن داعش گۆتۆبێژكرن و دووپات ل رێزگرتن و پاراستنا سه‌روه‌رییا عیراق و هه‌رێما كوردستانێ و دوماهیكا هێرش و ده‌ستدرێژییان كر.
وەزیرا به‌ره‌ڤانییا هۆلەندا دیاركر، په‌یوه‌ندییه‌كا بهێز دناڤبه‌را هۆلەندا و هەرێما کوردستانێ هەیە و وه‌لاتێ مه دووپات ل بەردەوامبوونا هاریکاریێ و هه‌ماهه‌نگییا ئێمناهى و له‌شكه‌رى و پشته‌ڤانییا پێشمەرگەى دكه‌ت.
سەرۆکێ حکومەتێ سوپاسییا پشته‌ڤانییا هۆله‌ندا کر کو چارچوڤێ هه‌ڤپه‌یمانییا ناڤده‌وله‌تى به‌رده‌وام پشته‌ڤانى هه‌رێما كوردستانێیه، هه‌روه‌سا سوپاسییا هۆله‌ندا كر و دیاركر كو ئێكه ژوه‌لاتێن پشته‌ڤانێ پلان و كارنامه‌یا كابینه‌یا نه‌هێ د بوارێ هه‌مه‌جۆركرنا ئابوورى و گرنگیدان ب كه‌رتێ چاندنێ.
