<h2><span style="font-size: 18pt;">رێڤەبەرێ نەخۆشخانا دكتۆر جەمال ئەحمەد یا زارۆكان ل سلێمانیێ راگەهاند، ب ئەگەرێ بایكۆتا پەرستارێن پشكا چاڤدێرییا چر، ئەو پشك هاتییە داخستن و چەندین زارۆكان گیانێ خوە ژدەستدایە.</span></h2> <h2><span style="font-size: 18pt;">دكتۆر پشدەر عەبدولا، رێڤەبەرێ نەخۆشخانا دكتۆر جەمال ئەحمەد د پرێس كۆنفرانسەكی دا راگەهاند، نێزیكی هەیڤ و نیڤایە پشكا چاڤدێرییا چر ل نەخۆشخانا وان هاتییە داخستن ب ئەگەرێ مانگرتنا پەرستارێن وێ پشكێ كو 25 كارمەندن. </span></h2> <h2><span style="font-size: 18pt;">دیار ژی كر، ئەو پەرستارە ل دەمێ بەلاڤبوونا كۆرۆنایێ ب گرێبەست هاتبوونە دامەزراندن و پشتی كێمبوونا حالەتێن كۆرۆنایێ گرێبەستێن وان نەهاتنە نویكرن، ئەوان ژی مانگرتییە و دەوامێ ناكەن. داخستنا وێ پشكێ بارگرانییەكا مەزن ل سەر ملێن وەلاتییان درۆستكرییە و چەندین زارۆكان ژی گیانێ خوە ژدەستدایە. </span></h2> <h2><span style="font-size: 18pt;">رێڤەبەرێ نەخۆشخانێ داخواز ژ وەزارەتا ساخلەمییێ كر گرێبەستێن وان پەرستاران بۆ نوی بكەت یان بكەتە هەمیشەی، داكو ئەو پشكە نەهێتە راوەستاندن و وەك رێزگرتن ژی بۆ وێ ماندیبوونا وان ل دەمێ چارەسەركرنا توشبوویێن كۆرۆنایێ دیتی.</span></h2>
