پشتی مێسی دگەل هەلبژارتییێ ئەرجەنتین نازناڤێ مۆندیالا قەتەر 2022 بدەستڤەئینای، ژلایێ میرێ قەتەرێ ڤە عەبایەك ل سەر ملێن وی هاتە دانان و ئەڤ چەندە بۆ ئەگەرێ گرانبوونا بهایێ وی و پەیڤا ” pisht ” كو ب رامانا عەبا دهێت زۆرترین لێگەریان ل سەر گوگلی بۆ هاتییەكرن.
ئەسعەد حاج، رێڤەبەرێ پشكا بەرهەمئینانا براندێ ” بشت سالم ” د چاڤپێكەفتنەكێ دا ئاشكەراكر، حەفتییەكێ پێش ئەنجامدانا یارییا دوماهییێ، داخوازەك ژلایێ میرێ قەتەر بۆ وان هات بۆ دروینا دوو عەبایان و وان نە دزانی كی دێ وی عەبای كەتە بەر خۆ.
دیار ژی كر، ئەو عەبایە ب دەستی و بێی بكارئینانا چ ئامیران هاتییە دروین وەك ل سالا 1955ێ ل دەوحە ب وی شێوەی وان دەست ب دروینا عەبایان كر.
دەربارەی بهایێ وی ژی ئاشكەراكر، جورێ وی عەبای ” نەجەفێ جابانییە ” و لایێن وی ب زێری هاتینە نەخشاندن و بهایێ وی دگەهیتە زێدەتری 1200 دۆلاران.
