نێچیرڤان بارزانى ب رێكا تلهفۆنێ پهیاما سهرهخۆشییێ ئاراستهیى بنهمالا خودێ ژێ رازى ئافتاو سالحى كر و ههڤسوزی و ههڤخهمییا خوه ب وان گههاند.
ل دووڤ راگههاندنا سهرۆكایهتییا ههرێما كوردستانێ، نێچیرڤان بارزانى سهرۆكێ ههرێما كوردستانێ د پهیوهندییهكا تلهفۆنیدا دگهل داوود مهحموود محهمهدى، بۆ وهغهرا دووماهییێ یا دایكا شههیدان خۆدێ ژێ رازى ئافتاو سالح قادرى، پرسه و سهرهخۆشییێن خوه ب مالبات و خێزانا وان گههاندن.
نێچیرڤان بارزانى زێدهبارى دهربرینا ههڤسوزى و ههڤخهمییێ، هیڤى خواست خودایێ مهزن خودێ ژێ رازى ب مهزنى و دلۆڤانییا خوه شاد بكهت و ئارامى و بهێنفرههییێ ب ههموویان بدهت.
ژلایێ خۆڤه داوود مهحموود محهمهد كورێ خودێ ژێ رازى ئافتاوێ، سوپاسى و پێزانیێن خوه و مالباتا خوه بۆ پهیوهندى و ههڤخهمییا نێچیرڤان بارزانى و پشكدارییا وى د خهم و بههییێدا دهربرین.
