هێمن میرانى : دڤێت وه‌لاتى چه‌كێن خوه‌ ل ده‌ڤ حكومه‌تێ تۆماربكه‌ن

وه‌زاره‌تا نافخۆ یا حكومه‌تا هه‌رێما كوردستانێ 12 لژنه‌ ب مه‌ره‌ما نه‌هێلانا چه‌كێ بێ مۆله‌ت پێكئیناینه‌، و رێڤه‌به‌رێ گشتییێ دیوانا وه‌زاره‌تا نافخۆ ئاماژێ ب هندێ دكه‌ت، چه‌ك ژ كه‌سێ ناهێته‌ وه‌رگرتن، هه‌ر وه‌لاتییه‌ك دێ چیته‌ ئه‌وان لژنان چه‌كێ خوه‌ تۆماركه‌ت و دگه‌ل خوه‌ به‌ته‌ مال.

د.هێمن میرانى رێڤه‌به‌رێ گشتییێ دیوانا وه‌زاره‌تا نافخۆ یا حكومه‌تا هه‌رێما كوردستانێ راگه‌هاند، 12 لژنه‌ بۆ نه‌هێلانا چه‌كێ جه‌نگى هاتینه‌ پێكئینان، ئانكو ئه‌و كه‌سێن چه‌كێ جه‌نگى هه‌ى، دڤێت چه‌كێن خوه‌ راده‌ستى ئه‌وان لژنان بكه‌ن، جڤاتا وه‌زیران دێ خه‌ملاندنه‌كێ بۆ قه‌ره‌بووكرنا ئه‌وان چه‌كان كه‌ت یێن راده‌ست دبن و 40 لژنه‌ بۆ تۆماركرنا چه‌كێ ئاگرین ( ده‌مانچه‌، كلاشینكۆف و هه‌ڤشێوه‌یێن وان ) هاتینه‌ پێكئینان، ئه‌و لژنه‌ ده‌ستبكاربووینه‌ و ئه‌و دێ پاش ب رێكا فه‌رمانگه‌ها میدیا و زانیارییان و وه‌زاره‌تا نافخۆ جهێن لژنان به‌لاڤكه‌ن.