بانکا ناڤەندی یا ئیرانێ بۆ پاراستنا بهایێ تمەنی بڕیارەک دەرکر

بانکا ناڤەندی یا ئیرانێ کار بۆ چارەسەرکرنا بلندبوون و داکەفتنا بهایێ پارەیێ وەلاتێ خۆ دکەت، کو د نوکە دا د نزمترین ئاستدایە.

محەمەد رەزا فەرزین، پارێزگارێ بانکا ناڤەندی یا ئیرانێ ڕاگەهاند، ژ ئەڤرۆ دێ دۆلاری ب بهایێ 20 هزار و 500 تمەنان ئێخنە د بازاری دا و پلانا وان ژی دێ بۆ دەمێ سالەکێ یا بەردەوام بیت.

ئاماژە کریە، ئارمانج ژ وی پلانێ پاراستنا بهایێ تمەنی یە کو د نوکە دا د خرابترین ئاستدایە و بهایێ 100 دۆلاران د بازاری دا، بەرامبەر چار ملیۆن و 360 هزار تمەنایە.

دیار کر ژی، ئیرانێ ئاریشا دابینکرنا پارەیێ بیانی نینە، چونکی د دەمێ نە‌هــ مەهێن بووری دا ئاستێ هنارتنا بەرهەمێ نە نەفتی یێ ئیرانێ 36 ملیار دۆلار بوو و بەرهەمێ ئینانێ ژی گەهشتیە 42 ملیار دۆلاران.