پارێزگارێ دهۆكێ دگه‌ل موختارێن گوندێن ناوچه‌دارییا دینارته‌ كۆمبوو

پارێزگارێ دهۆكێ دگه‌ل موختارێن گوندێن ناوچه‌دارییا دینارته‌ كۆمبوو و ژ نێزیك گوهداریا پێدڤیێن خه‌لكێ ده‌ڤه‌رێ كر.

بۆ زانینا پێدڤیێن خه‌لكێ ده‌ڤه‌رێ د.عه‌لى ته‌ته‌ر پارێزگارێ دهۆكێ سه‌را ناوچه‌دارییا دینارتێ ل سنورێ ئاكرێ دا و ژلایێ سه‌ربه‌ست سه‌برى رێڤه‌به‌رێ ناوچه‌دارییێ پێشوازى لێ هاته‌ كرن.

پاش پارێزگارێ دهۆكێ ب ئاماده‌بوونا به‌رپرسێ لقا 9 یا پارتى وده‌ڤه‌ردارێ ئاكرێ و چه‌ند په‌رله‌مانتاران كۆمبوونه‌ك دگه‌ل موختارێن ژماره‌كا گوندێن ناوچه‌دارییا دینارتێ كر.

موختارێن گوندێن ده‌ڤه‌رێ پێدڤیێن گوندێن خوه‌ و سه‌نته‌رێ دینارتێ دهه‌موو سێكته‌رێن خزمه‌تگوزاریدا به‌رچاڤكرن وخواست پارێزگارێ دهۆكێ ل دووڤ شیانێن به‌رده‌ست بجهبینیت.

ژلایێ خۆڤه‌ پارێزگارێ دهۆكێ ته‌كه‌زكر، ل دووڤ راسپاردێن سه‌روكێ حكومه‌تا هه‌رێما كوردستانێ ئه‌و گرنگییێ ب هه‌موو ده‌ڤه‌ردارى و ناوچه‌دارى و گوند وكۆمه‌لگه‌ها دده‌ن وهه‌رچ یا دشیاندا بیت دێ بر خه‌لكێ ده‌ڤه‌رداریبا ئاكرێ و ده‌وروبه‌رێن وێ كه‌ن، و دێ گرنگییێ ب هه‌موو سێكته‌ران ده‌ن، نه‌خاسمه‌ ئه‌و پرۆژێن گرێداى ب ژیانا رۆژانه‌ یا وه‌لاتیانڤه‌ وچ ده‌ڤه‌ر ناهێنه‌ ژبیركرن و بۆ ساڵا نوو ژى دێ كۆمه‌كا پرۆژێن خزمه‌تگوزارى هێنه‌ بجهئینان.