ئەحمەد رەمەزان، بەرپرسێ ڕاگەهاندنا رێڤەبەریا پۆلیسێن زاخۆ ئەڤرۆ ئامارێن سالا 2022ێ بەلاڤكرن و ڕاگەهاند، 3651 سكالا ل سنوورێ ئیدارا سەربەخۆیا زاخۆ هاتینە تومارکرن ژ وان 3135 سكالا هاتینە ئێکلاکرن و 516 سكالا ل ژێر ڤەکۆلینێ دا ماینە، هەروەسا د 55 سكالایان دا 80 تۆمەتبار ب تۆمەتا ماددێن بێهوشکەر هاتینە دەستەسەرکرن.
بەرپرسێ ڕاگەهاندنا پۆلیسێن زاخۆ دیاركر، د 6 روودانێن تەقەکرنێدا 7 تۆمەتبار هاتینە دەستەسەركرن، د 88 روودانێن هەرەشەکرنێدا 53 تۆمەتبار هاتینە دەستەسەركرن، ب گشتی د 206 سكالا د روودانێن شەرکرنێدا 192 تۆمەتبار هاتینە دەستەسەركرن، هەروەسا د سالا بووریدا ل زاخۆ 6 روودانێن سوتنێ و 3 روودانێن خۆکوشتنێ هاتینە تۆماركرن.
ئەحمەد رەمەزان زێدەتر گۆت، 80 پارچەیێن چەك هاتینە تۆمارکرن و 4 پارچە چەك هاتینە رادەستکرن.
