رۆژنامەكا بریتانی: داعش دێ ڤه‌گه‌ریته‌ڤه‌

رۆژناما زه‌ سه‌بیكتاتۆر یا بریتانی د راپۆرته‌كێ دا دیار كرییه‌: رێكخراوا داعش پشتی چار سالان ژ تێكچوونا وێ، جاره‌كا دیتر دێ ڤه‌گه‌ریت‌ ‌و  شێواز و ته‌كتیكا پێکئینانا شانێن خۆ یێن نڤستی گوهۆرییه‌‌ و هێرشێن خویناوی ل عێراق و سووریێ ئه‌نجام د‌ده‌ن.

د وێ راپۆرتێ ‌دا هاتییه‌، شه‌رێ ل دژ‌ تیرۆرێ ب دووماهی نه‌هاتییه و ترسیا دووباره‌بوونا داعشێ بۆ وان نڤشێن نوو یێن یێن داعشێ ڤه‌دگه‌رن یێن كو ل‌ كه‌مپا هۆلێ د‌ژین، ب ره‌نگه‌كی هه‌یڤانه‌ 80 زارۆك ل وێ كه‌مپێ ژ ‌دایك د‌بن، نوكه‌ نێزیكی 60 هزار ژن و زارۆك ل كه‌مپێن باكوورێ رۆژئاڤایێ سووریێ دژین، نیڤه‌كت وان د ژییێ سه‌ر 18 سالییێ دانه‌” ئه‌و ژمارا‌ زۆر یا گرتییان مه‌ترسییا دروستبوونا نڤشێ دووێ یێ داعشێ ژێ دهێته‌ كرن و ئه‌و رێكخراوه‌ به‌رده‌وام‌ گه‌فێن ئازادكرنا وان دكه‌ت.

ئه‌و ژی گۆتییه‌: رێكخراوا داعش به‌رپرسیاره‌تییا پتر ژ‌ 500 هێرشێن تیرۆریستی گرتینه‌ ستوویێ خۆ، كو ل ئاخا‌ عێراق و سووریێ ئه‌نجامداینه‌، ئه‌ڤه‌ به‌لگه‌كێ حاشا هه‌لنه‌گره‌ ل ‌سه‌ر به‌رده‌وامییا مه‌ترسی یێن داعشێ ل وێ ده‌ڤه‌رێ.

هێشتا دبێژیت‌، وێ رێكخراوێ‌ گوهۆرین د پلان و شێوازێ دروستكرنا شانێن خۆ یێن نڤستی بۆ ئه‌نجامدانا هێرشان كرییه‌ و نوكه‌ پتر ژ‌ 30 هزار چه‌كدارێن وێ رێكخراوێ ل‌ عێراق و سووریێ د زینداناندانه.