ئومێد ئهحمهد، پەیڤدارێ وهزارهتا كارهبا حكومهتا ههرێما كوردستانێ ئەڤرۆ راگههاند، د نوكەدا ل هەمی ویستگەهان شیانا سێ هزار و 900 مێگاواتێن بەرهەمئینانا كارهبێ هەیە و خواست ل سەر کارەبێ بۆ وەلاتییان حهفت هزار مێگاواتە.
پەیڤدارێ وهزارهتا كارهبا حكومهتا ههرێما كوردستانێ دیاركر، د نوكەدا رۆژانە 12 دەمژمێران كارەبا نیشتیمانی ددەینە وەلاتییان، بەلێ ل دەڤەرێن سار نێزیكی 11 دەمژمێران و دەڤەرێن گەرم نێزیكی 13 دەمژمێران كارەبێ ددەینە وەلاتیێن هەرێمێ.
ئومێد ئهحمهد گۆت: حكومهتا هەرێما کوردستانێ ب رێكا وەزارەتا کارەبێ د بزاڤێن بەردەوام دایە بۆ پرۆژێن كارەبێ بەرەڤ پێشڤە ببەت و بەرهەمئینانێ زێدە بكەت، هەتا بەرهەم و خواست وەكی ئێك لێ بهێت.
