ئه‌ندامه‌كێ هه‌ڤپه‌یمانیا ده‌وله‌تا یاسا راگه‌هاند، زیندانێن عیراقێ دپرن ژ وان كه‌سێن ب تاوانا تیرۆرێ ده‌سته‌سه‌ركرى و رۆژانه 14 دۆلار بۆ خوارنا وان زیندانیان ب هه‌روه‌دچت، پێدڤییه یاسایا سێداره‌دانێ بهێته كاراكرن و ب ره‌نگه‌كێ دادپه‌روه‌رانه جێبه‌جێبكه‌ن.
موهه‌نه‌د خه‌زره‌جی ئه‌ندامێ هه‌ڤپه‌یمانیا ده‌وله‌تا یاسا داخوازا بجهئینانا حوكمێ سێداره‌دانێ دكه‌ت و دیاركر، زیندان پرن ژوان یێن ب تاوانێن تیرۆرێ ئەنجامداین و حوكمێ سێداره‌دانێ لسه‌ر و ژبه‌ر چه‌ند ئه‌گه‌رێ سیاسى هێشتا ئه‌و بریار نه‌هاتیه بجهئینان، كو دناڤ واندا 327 سزادایێن سڤیلێن تیرۆستى هه‌نه.
ئاماژه ب هندێ ژى كر، ژلایێ وه‌زاره‌تا دادڤه رۆژانه سێ دانێن خۆارنێ دده‌نه زیندانیان، كو بۆ هه‌ر دانه‌كێ 8 دۆلار دهێنه مه‌زاختن، ژبه‌رهندێ پێدڤییه سزایێ سێداره‌دانێ بهێته بجهئینان و دادپه‌روه‌رى ب ره‌نگه‌كێ یه‌كسان ل دژى تیرۆرستان بهێته بجهئینان.
