پاسەوانێن سنووری: بۆ دامەزراندنا 6 هزار پاسەوانان نێزیکی 2 ملیۆن فۆرم هاتینه‌ پرکرن

د ماوێ دو رۆژان دا لینکێ پڕکرنا فۆڕمێن دامەزراندنێ ل پاسەوێن سنووری هاتییه‌ کارا کرن، نێزیکی 12 ملیۆن کەسان ئه‌و لینکە ڤه‌کرییە.

کاروان خۆشناو، په‌یڤدارێ ده‌ڤه‌را ئێك یا پاسەوانێن سنووری دیار كر، سوبه‌هی چارشەمبی ل ده‌مژمێر 12:00 دێ لینكێ پڕکرنا فۆڕمان بۆ دامەزراندنێ ل  پاسەوانێن سنووری هێته‌ داخستن.

ئه‌و ژی گۆت: نێزیكی 2 ملیۆن کەسان داخوازا دامەزراندنێ کرییە و ئه‌و فۆڕمە پڕکرییە”.

په‌یڤدارێ ده‌ڤه‌را ئێك یا پاسەوانێن سنووری دیار كر ژی: “بۆ هەموو عێراقێ 6 هزار کەس دێ هێنه‌ دامەزراندن و ژ وێ ژمارێ ژی دو هزار 600 كه‌س دێ بۆ هەرێما کوردستانێ بن.”