لژنه‌كا مافێن گشتی سه‌ر ب داواكارییا گشتییا پارێزگەها دهۆكێ ئەڤرۆ چارشەمبی د نڤیسانەكا فەرمیدا چه‌ندین بڕیار لدۆر بكارئینان و بازرگانیكرن ب جگارەیێن ئه‌لكترۆنی و نه‌رگیلا ده‌ركر، لدووڤ نڤیسانا داواكارییا گشتییا دهۆكێ، بكارئینان، بازرگانیكرن و فرۆتنا جگارەیێن ئه‌لكترۆنی ل سنورێ پارێزگەها دهۆكێ هاتە قه‌ده‌غه‌كرن و هەر كەس و لایەنەك پابەندی بڕیارێ نەبیت دێ رێكارێن یاسایی دگەل هێنەكرن.
لدووڤ نڤیسانا داواكارییا گشتییا دهۆكێ، دوماهیك ژڤان بۆ ئەڤێ بڕیارێ 31-01-2023یە و ڕێك ناهێته دان كه‌سێن د بن 18 سالییێدا بچنه دناڤ جهێن نارگیله‌یاندا، جهێن خوارنێ دێ ژ جهێن نارگیلێ هێنه جوداكرن و كامیره‌یێن چاڤدێرییێ دێ ل هه‌می جهێن دروستكرنا نارگیله‌یان هێنه دانان و به‌روڤاژى هه‌ر كه‌سێ سه‌رپێچییێ بكه‌ت دێ بۆ دادگه‌هێ هێته ڕه‌وانه‌كرن.
