د.فوئاد حسێن: گەشبینم بۆ داهاتوویێ عیراقێ

دكتۆر فوئاد حسێن وه‌زیرێ دەرڤە یێ عێراقێ ڕاگەهاند، ل سالا 2023 عیراق بوویە وەلاتەکێ دیموکراسی و گوت ژی:” ئەز یێ گەشبینم بۆ داهاتووی.”

ئەڤرۆ چار شەمبی 18 کانوونا دووێ 2023، د چواچوڤێ پشکداریکرن د بانێڵەکێ کۆربەندێ داڤۆس دا ب ناڤونیشانێ ( ڕۆژهەلاتا ناڤەڕاست خالا ب ئێک گەهشتن یان مەیدانا بەرهەنگاربوونێ)، دکتور فوئاد حسێن، وەزیرێ دەرڤە یێ عیراقێ ڕاگەهاند، ل سالا 2023 عیراق بوویە وەلاتەکێ دیموکرات.

وەزیرێ دەرڤە یێ عیراقێ گوت: “مە پەیوەندییەکا باش دگەل وەلاتێن جیران هەیە و مە شیایە وەلاتێن دەڤەرێ ژی کۆمبکەینب.”

گوت ژی: “دناڤبەرا سیاسەتا دەرڤە و ناڤخۆ یا عیراقێ دا، هەڤدژی یا هەی، هەر وەسا پەیوەندییێن دناڤبەرا عیراقێ دگەل وەلاتێن ( ئیران و تورکیا ) دا، د هەمە لایەنن و ئاریشە یێن دگەل هەردوو وەلاتان ژی هەین.”

دەربارەی دەربازکرنا سنووران و هێرشێن وەلاتان، وەزیرێ دەرڤە یێ عیراقێ دبێژیت:” هێرشکرن بۆ سەر هەر وەلاتەکی، بنپێکرنا یاسایێن ناڤدەولەتییە.”

گوت ژی: “پرسا ئۆپۆزسیۆنێن ئێران و تورکیا ئاریشەیێن ناڤخۆ یێن وان وەلاتان “.

دەربارەی داعش‌ وه‌زیرێ دەرڤە یێ عیراقێ دوپاتکر، پاشماوەیێن داعش ل سووریا مەترسینە بۆ سەر عیراق و دەڤەرێ، هێزێن عیراقێ یێن شیاین داعش ژناڤببەن.