شاندەکێ وهقفا سووننی یا عیراقێ گەهشتە هەولێرێ و دگەل وەزیرێ ئەوقاف و کاروبارێن ئایینی یێ حکومەتا هەرێما کوردستانێ کۆمبوو.
وهزارهتا ئهوقاف و كاروبارێن ئایینی یا حکومەتا ههرێما كوردستانێ، ئەڤرۆ چار شەمبی 18 کانوونا دووێ 2023 ڕاگەهاندنەک بەلاڤکر و تێدا هاتیە: پشتیوان سادق، وەزیرێ ئەوقافێ ب ئامادەبوونا دکتور عەبدولا وەیسی، سەرۆکێ ئێکەتییا زانایێن ئیسلامێ، پێشوازی ل دکتور مەشعان خەزرەجی، سەرۆکێ وەقفا سوونی یا عیراقێ و دکتور محەمەد عەبولسەلام سەرۆکێ (مجلس حکماء المسلین) کر.
د دیدارێ دا گوتوبێژ لسەر ڕەوشا ئایینی و ئەزموونا گیانێ تەڤایی دناڤبەرا پێکهاتێن هەرێما کوردستانێ هاتە کرن.
وەزارەتا ئەوقافێ ڕۆهنکریە، شاندێ سەرەدانکار ب سەرسورمانیڤە بەریخودان بۆ وێ پەیوەندییا بهێز و هەمەلایەنی یا کو دناڤبەرا پێکهاتێن هەرێما کوردستانێ دا هەی کر.
پاشی د کۆنگرەیەکێ ڕۆژنامەڤانی دا، دکتور محەمەد عەبولسەلام سەرۆکێ (مجلس حکماء المسلین) ڕاگەهاند، ئەو ڕاستیە بۆ من دیاربوو، کو ئەڤ هەرێمە نمونەیا د نیشانفدانا بهایێن ڕاستەقینە یێن ئیسلامێ و ڕەوشتێن ئیسلامێ دا و هەر وەسا هەرێما کوردستانێ نمونەیە بۆ برایەتی و پێکڤە ژیانا ئاشتیانە.
پاشی پشتیوان سادق، وەزیرێ ئەوقاف و کاروبارێن ئایینی یێ حکومەتا هەرێما کوردستانێ ڕاگەهاند، وەزارەت دگەل ڕێکخراوا زانایێن موسلمان ژمارەیەکا ڕێککەفتنان کریە، دا کو بەرپرس و زانایێن ئاینیی یێن هەرێمێ مفای ژ ئەزمونێن وێ ڕێکخراوا جیهانی وەربگرن.
