سهرۆک كۆمارێ عیراقێ دوپاتییێ ل سەر گرنگییا بجهئینانا ڕێککەفتنناما شنگالێ و دائێخستنا دۆسەیا ئاوارەیان دکەت.
ل گۆرەی بەیاننامەیەکا سەرۆکایەتییا کۆماری یا عیراقێ، د کۆمبوونەکێ دا دگەل غولام محەمهد ئیسحاق، جێگرێ نوونهرێ تایبهت یێ نهتهوێن ئێکگرتی ل عیراقێ، لەتیف ڕەشید، سەرۆک کۆمارێ عیراقێ دوپاتکریە، ئەو چاڤەڕێی کارێ زێدەتر ژ رێکخراوێن سەر ب نەتەوێن ئێکگرتی ڤە دکەن.
سەرۆک کۆمارێ عیراقی دوپاتی لسەر گرنگییا بجهئینانا بڕگە و ماددێن دناڤ ڕێککەفتنا شنگالێ و بلەزکرن د دروستکرنا خانییێن گونجای بۆ ئاوارەیان و ڤەگەراندنا وان بۆ دەڤەرێن وان و دائێخستنا دۆسەیا ئاوارەیان ب ئێکجاری کریە.
هەر وەسا گوتیە: ئێکلایکرنا دۆسەیا ئاوارەیان و باشکرنا ڕەوشا ژیانا وان ژ کارێن وان یێن دەستپێکییە و ئاماژە کریە ژی، ڤەگەڕاندنا ئاوارەیان بۆ دەڤەرێن وان، پێدڤی ب بزاڤێن جددی و بلەز یێن هەمی لایەنانە، چونکی ئەو دەڤەرە د کارەساتبارن و ژ هەمی خزمەتگوزارییان د بێ بەهرن.
ل گۆرەی زانیارییێن فەرمانگەها میدیا و زانیاری یا حکومەتا هەرێما کوردستانێ، تا دوماهییا سالا 2022، زێدەتری 913 هزار ئاوارە و پەنابەران ل هەرێما کوردستانێ دژین.
