دەستەیا دەستپاکییا عێراقێ راگەهاند، رێڤەبەرێ گشتی یێ فەرمانگەها ئەندازەیا دیوانا وەقفی سوننی و چار تۆمەتبارێن دیتر هاتنه دەسته‌سه‌ر کرن” كو وانا ملیاره‌ک و 571 ملیۆن دینار ل داراییا گشتی ب هه‌ده‌ر داینه و وان گه‌نده‌لی كرییه د پارێ خەرجکری دا بۆ دروستکرنا منارێن ئاسنی یێن 35 مزگەفتان و بۆ هەر مناره‌كێ ژ وان پتری 56 ملیۆن دینار نڤێسینه.”
ئه‌ڤرۆ دەستەیا دەستپاکییا عێراقێ گۆت: “دادگەها ڤه‌كۆڵینا تایبەت ب دۆسی یێن دەستپاکییێ ل پارێزگه‌ها سەڵاحەدین بریارا ده‌سته‌سه‌ر كرنێ بۆ رێڤەبەرێ گشتی یێ فەرماندەیێ ئەندازا دیوانا وەقفی سوننی و چار تۆمەتبارێن دیتر دەرکرییە، دناڤا وان دا سەرۆکێ ئەندازیاران ل دیوانا وێ وەقفێ.”
هه‌روه‌سا گۆتییه: ب هاریکارییا تیمێن پشکنینا ریڤەبەرییا ڤه‌كۆلینا بەغدا و پشتی ڤه‌کۆڵینا مەیدانی و چووینە جهێ وان منارێن ئاسنی و پشتی هووربینییێ د دۆسییا ده‌ستپێكی دا ل پارێزگه‌ها سەڵاحەدین، بۆ وان دەرکەفتییە كو بهایێ منارێن 35 مزگەفتێن پارێزگه‌ها سەڵاحەدین گه‌نده‌لی تێدا هاتییه کرن و ب كوژمێ 56 ملیۆن و 500 هزار دینار بۆ هەر منارەكێ خەرجکرینە.
