کۆڤان حسێن
چ جار بلا مرۆڤ پێش روودانا نەكەڤیت نەمازە یێن كوشتن و دلتەزین، بەلێ نوكە ب دەهان بۆچوون لسەر روودانا مسێبینێ هاتنە گۆتن ئەرێ تاوانەكا نورمالە ل هەمی جها رووددەت یان ژی پاشخانەكا سیاسی یان جڤاكی هەیە. سادەترین پرسیار د ڤان رەوشاندا ل دووڤ زانستێ پۆلیس لسەر كاردكەن ئەڤەیە کا کی مفادارە ژ ئەڤێ تاوانێ، ب راستی هەر كەسێ قوربانییا بنیاسیت ژ راستی دێ تووشی شوكەكا مەزن بیت تاوانبار یان بەرگومان ژ چ پاشخانێ ئەڤ تاوانە كرییە، ئەگەر بابەت شەلاندن و دزی بیت ئەڤە هندێ نائینیت هندە كەس ببنە قوربان نەمازە دان عەمر و ژن، بەلێ یا من دڤێت بێژم ئەڤە راستی هەرێما كوردستانێ د میدیا ئاراستە كریدا بۆ بەشەكێ كوردستانێ وەسا هاندان و سیاركرن و هەمی رەنگێن رەشیێ د هزرا گەلەك كەساندا چاندی نە كارەك ژ ئەڤی و خرابتر ژی ئەنجام بن و ژبەری نوكە ژی ل چەندین قوناغا دا خەلكێ كوردستانێ ب رێڤە وەك رێڤنگ تووشی ئێشان و هێرشان بووینە بەلێ نە گەهشتە رادەیا كوشتنێ. كەسێ تاوانبار ناكەم بەلێ دبیت ئەڤە ئەنجامێ كارەكێ خوسەرێ كەسەكی بیت دبن باندۆرا وی زمانێ میدیایا كوردی هاندانێ دكەتن. وێنەكرنا كوردستانا عیراقێ و رەشكرنا وێ و تومەتباكرنا هەرێمی ب هەمی تاوان و تهمەتەكێ، ناچیتە سەرێ كەسێ ئەڤە كارێ رێگر و دزیكەران بیت و دیر نینە ژی لایەنەكێ سیێ ژی هەبیت ئەڤێ تاوانێ بكەتن بۆ خوشكرنا گیانێ دوبەرەكییێ د ناڤبەرا پارچێن كوردستانێدا. دزیكەران ژی هندەك بها هەنە ئەگەر مەرەم ژێ شەلاندن بیت كەسێ هەتا نوكە ژن نە كوشتینە بەروڤاژی د كوردۆلۆژیێدا ژنا خوین دایە راوەستاندن و باوەرناكەم ئەڤ كینە یا دزیكەران بیت. قوربانی مخابن ب چارەنڤێسەكێ تاری كۆچباربوون و باوەرناكەم ئەڤ پرسە ب ئاسانی ئێك لابیت و ئەنجام دیار بن.ئەڤە تەڤنەكا ئالوزە ب مەرەم یان بێ مەرەم دێ دەمەكێ درێژ ڤە كێشیت یان دێ هندەك سیناریویێن نە بەرئاقل بنە ئەنجام و بەرسڤ. تاوانەكا هوسا بۆ دزیێ نێزیك كومێدیا رەشە.قەت باوەرناكەم بەلێ دبیت سیاسی بیت و دبیت جڤاكی بیت هەر چەندە نەبەرئاقلە بەلێ یا دیار ئەڤ خودێ ژێ رازیە بوونە قوربانی بریارەكا ئالوز د ژینگەهەكا ئالوز دا.
