ڕەوانگەها سووری بۆ مافێن مرۆڤی ڕاگەهاند، د 24 دەمژمێرێن بووری دا سێ جاران فڕۆکێن نە نیاس لسەر سنوورێ عیراق و سووریا بارێن چەکی یێن میلیشیایێن ئیرانێ کرنە ئارمانج.
ل گۆرەی ڕەوانگەها سووری بۆ مافێن مرۆڤی، د 24 دەمژمێران دا جارەکا دی فڕۆکێن چاڤدێرییێ یێن نە نیاس تانکەرەکێ تایبەتمەند ب ڤەگوهاستنا نەفتێ کو یێ پڕ بوو ژ چەک و تەقەمەنییان بۆ میلیشیاتێن سەر ب ئیرانێ ڤە، ل باژێرکێ سوێعە ل گۆندەوارێن ئەلبوکەمال ل ڕۆژهەلاتێ دێرازورێ کرە ئامانج و د ئەنجامدا تانکەر پەقی و کەسەک هاتە کوشتن.
ڕەوانگەها سووری بۆ مافێن مرۆڤی دیارکر، هەر ئەڤرۆ دوو شەمبی ل دەمێ تڕۆمبێلەکێ بزاڤکرین دا سەرەدانا جهێ کو دوهی ب شەڤ هاتیە بوردومانکرن بکەت، یێ کو دکەڤیتە گۆندێ هەری یێ گۆندەوارێن باژێرێ ئەلبوکەمال ل سووریا، ئەو تڕۆمبێلە ژی ژ لایێ فڕۆکێن بێ فڕۆکەڤان یێن نە نیاسڤە هاتە بوردومانکرن و سەرکەردەیەکێ میلیشیاتێن سەر ب ئیرانێ ڤە و دوو هەڤکارێن وی هاتنە کوشتن.
