بەرپرسەکێ پارتی: ب زەحمەت ئەڤ سالە ھەلبژارتنێن جڤاتێن پارێزگەھێن عێراقێ بھێنە ئەنجامدان

ئاژانسا خانی ، تایبەت:

بەرپرسەکێ پارتی دیموکراتی کوردستان ئاشکرا کر: بڕیارە ئەڤ سالە ھەلبژارتنێن جڤاتێن پارێزگەھێن عێراقێ بهێنه‌ ئەنجامدان، بەلێ ب دوور دبینم پرۆسا ھەلبژارتنان ئەڤ سالە بڕێڤە بچیت.

د. محەمەد خورشید، ئەندامەکێ یەدەک یێ کۆمیتا ناڤەندیا پارتی بۆ ئاژانسا خانی دیار کر” بڕیار ھاتییە دان ئەڤ سالە پرۆسا ھەلبژارتنێن جڤاتێن پارێزگەھێن عێراقێ بھێتە برێڤەبرن، بەلێ ب دیتنا من کاودانێن عێراق تێدا دەرباز دبیت ئاماژەنە نەشێت پرۆسا ھەلبژارتنێن جڤاتێن پارێزگەھان بڕێڤە ببەن و بدوور دبینم بھێنە ئەنجامدان د ئەڤ سالە دا.

ناڤهاتی گۆت ژی” پشتی سالا ٢٠٠٥ ێ ب تنێ ئێکجار ھەلبژارتن ل کەرکووکێ ھاتینە ئەنجامدان و بڕیارە ڤێ جارێ ھەلبژارتن ل کەرکووکێ ژی بھێنە کرن ئەڤە ژی ب دیتنا مە وەکی پارتی پێنگاڤەکا باشە، چونکی ھەموو جارەکێ ل قانوونا ھەلبژارتنان کەرکووک ھاتییە جۆدا کرن.