لڤینا هۆشیارییا نەتەوەی ” حركة وعي الوطنية ” ژ ئەڤرۆ ڤە ئوپوزسیۆنبوونا خۆە ل بەرامبەر حكومەتا سوودانی و هەڤپەیمانییا برێڤەبرنا دەولەتێ راگەهاند و داخوازدكەن، رێگری ل دەستێوەردانا دەرەكی بهێتەكرن و كار ژبۆ دەستهەلاتەكا دادوەری یا بێ لایەن بهێتەكرن.
سەلاح عەرباوی، سەرۆكێ لڤینا هۆشیارییا نەتەوەی دەربارەی بریارا حزبا خۆە راگەهاند، ژ ئەڤرۆ وێڤە ئەو ئوپوزسیۆنەكا سیاسینە بەرامبەری حكومەتا نوكە یا عیراقێ ب سەرۆكایەتییا محەمەد شیاع سوودانی و لایەنێن پێكهێنەر یێن حكومەتێ.
ئاشكەراژی كر، بلندبوونا بهایێ دۆلاری ب رەنگەكێ بەردەوام، بلندبوونا رێژا بێكارییێ و گەندەلییا سازییێن حكومەتێ ل وەلاتی، ئەگەرێن سەرەكی یێن درۆستكرنا ئوپوزسیۆنا حزبا وی نە. مەرەما وان ژی ئەو نینە سیستەمێ حوكمرانیێ ژناڤببەن، بەلكۆ گۆهورینا شێوازێن حوكمرانییێ یە.
