ژبه‌ر شه‌پۆله‌كا به‌فر بارینێ، 50سم به‌فرێ ل ناحییا كانى ماسێ یا سه‌ر ب قه‌زایا ئامێدییێ ڤه بارینه.
شێرزاد قادر رێڤه‌به‌رێ گشتییێ رێڤه‌به‌رییا ریك و پران ل پارێزگه‌ها دهۆكێ بۆ ئاژانسا خانى دیاركر، شه‌پۆله‌كا به‌فربارینێ به‌ر ب ناحییا كانى ماسێ ڤه چوویه، و تیمێن وان یێن رامالینا به‌فرێ به‌رده‌وام كارێ خوه دكه‌ن داكو ئاسته‌نگ بۆ هاتنوچوونا خه‌لكى په‌یدا نه‌بن.
زێده‌تر رێڤه‌به‌رێ رێك و پران ل پارێزگه‌ها دهۆكێ ئاشكراكر، ژ شه‌ڤا بوورى و هه‌تا نوكه ل ناحییا كانى ماسێ 50سم به‌فرێ بارینه، و سه‌ربارى كو ئه‌و ده‌ڤه‌ره یا چیاییه، لێ تیمێن وان ل سه‌ر كارێ خوه د به‌رده‌وامن و به‌فرێ ل سه‌ر رێكان لادده‌ن داكو هاتنوچوون یا به‌رده‌وام بیت.
