هژماره‌كا یانه‌یان هه‌ڤخه‌مییا خوه‌ بۆ قوربانییێن پیڤه‌له‌رزێ دیاركر

هژماره‌كا یانه‌یێن جیهانى و ستێرێن فوتبۆلێ هه‌ڤخه‌مییا خوه‌ بۆ قوربانیێن پیڤه‌له‌رزا سووریا توركیا دیاركر.

یانه‌یا ریال مه‌درید یا ئسپانى دبه‌یانه‌كێدا دیاركر، یانه‌یا ریال مه‌درید و سه‌رۆكێ وێ و ده‌سته‌یا كارگێرییێ هه‌ڤخه‌مییا خوه‌ بۆ قوربانییێن كاره‌ساتا پیڤه‌له‌رزا سووریا و توركیا دیاردكه‌ت، ئه‌و سه‌ره‌خۆشییێ ل مالباتێن وان كه‌سان دكه‌ت یێن گیانێ خوه‌ ژ ده‌ستداى، و داخوازا ساخبوونه‌كا بله‌ز بۆ برینداران دكه‌ت و پشته‌ڤانا وایه‌.

هه‌روه‌سا یانه‌یا به‌رشه‌لۆنا ل سه‌ر ئه‌كاونتێ خوه‌ یێ تویته‌رى راگه‌هاند، یانه‌یا به‌رشه‌لۆنا سه‌ره‌خۆشییێ ل خێزان و هه‌ڤالێن وان دكه‌ت یێن گیانێ خوه‌ ژ ده‌ستداى، و ساخبوونێ بۆ بریندار و زیان ڤێكه‌ڤتییان دخوازیت.

ژلایێ خۆڤه‌ یانه‌یێن ئه‌تله‌تیكۆ مه‌درید و كادش یێن ئسپانى، بۆرۆسیا دۆرتمۆند یا ئه‌لمانى و ئه‌ستۆن ڤێلا یا ئنگلیزى په‌یامێن هه‌ڤخه‌مى و سه‌ره‌خۆشییێ بۆ قوربانییێن پیڤه‌له‌رزێ به‌لاڤكرن.