سەندیکا ڕۆژنامەڤانێن کوردستانێ/ لقێ دهۆک نە ڕازیبوونا خۆ دیار دکەین ل دور ڕێگرتنا ڕۆژنامەڤانان بۆ ئەنجامدانا کارێ خۆ

پشتی ئەرد هەژا سپێدەهیا ئەڤرۆ 6 شوباتا 2023، تیمێن سکیورتی یێن هندەک شوقەیان ڕێگری ل پشکەکا ڕۆژنامەڤانان کربوو کو ڕۆمالا ڕەوشا وەلاتییان بکەن، سەندیکا ڕۆژنامەڤانێن کوردستانێ/ لقێ دهۆک ڕۆهنکرنەک بەڵاڤکر و ڕاگەهانندیە، نە ڕازیبوونا خۆ دیار دکەین ل دور ڕێگرتنا ڕۆژنامەڤانان بۆ ئەنجامدانا کارێ خۆ.

دەقێ ڕۆهنکرنێ:

پشتی پێزانین گەهشتینە دەستێ مە ژ لایێ چەندین ڕۆژنامەڤان و دەزگەهێن ڕاگەهاندنێ ڤە، ئەڤرۆ 6 شوباتا 2023 ، ل چەندین كۆمەڵگەهێن ئاکنجیبوونێ (شوقەیان) ل دهۆکێ ڕێگری ل ڕۆژنامەڤانان هاتیە کرن ژ لایێ ( سکیورتی) یێن وان کۆمەڵگەهان کو کارێ ڕۆمالکرنێ ئەنجامبدەن ژ بۆ ئاگەهداربوون ژ ڕەوشا وەلاتییان پشتی ڕوودانا ئەرد هەژا دهۆکێ دروستبووی.

ئەڤجا وەک سەندیکا ڕۆژنامەڤانێن کوردستانێ/ لقێ دهۆک، نەڕازیبوونا خۆ دیار دکەین ل دوور ڕێگرتنا ڕۆژنامەڤانان بۆ ئەنجامدانا کارێ خۆ، دیسا داخوازێ ژ جهێن شولەژێ دکەین ب تایبەت داواکارێ گشتی دووڤچوونا ئەڤی بابەتی بکەن چونکی گرێدای بەڕژەوەندیا گشتی یا خەلکێ دهۆکێ یە، هیڤیدارین هەمی لایەک پێگیری یاسایێ بن.

سەندیکا ڕۆژنامرەڤانێن کوردستانێ

لقێ دهۆک

6-2-2023