بسپۆره‌كێ جیۆلۆجی: هەرێما كوردستانێ ل سەر هێلا ب مەترسی یا ئه‌ردهه‌ژان نینە

بسپۆره‌كێ وارێ جیۆلۆجی دبیژیت: هەرێما كوردستانێ ل سەر وێ هێلا ب مەترسی یا ئه‌ردهه‌ژان نینە یاكو ل توركیا روودده‌ت .

د. رێبەر تەحسین، بسپۆڕێ جیۆلۆجی و مامۆستایێ زانكۆیا سەڵاحەدین، ده‌ربارەیی ئه‌گه‌ر و كاریگەری یێن وێ ئه‌ردهه‌ژا ل وه‌لاتێ توركیا روودایی و ل هەرێما كوردستانێ ژی هەست پێ هاتییه‌ كرن، گۆت:  ئه‌گه‌رێ وێ ئه‌ردهه‌ژێ پیكهاتییه‌ ژ شكاندنا ئانادۆلێ كو ل وه‌لاتێ توركیایە، ئەم شكاندنه‌ دبیته‌ دو پشك ب ره‌نگه‌كێ سێگۆشە ل توركیا دایە، پشكا سه‌ر دبێژنێ پشكا شكاندنا باكوورێ ئانادۆلێ، هەروەسا پشكا شكاندنا رۆژهەڵاتێ ئانادۆلێ، ئه‌ردهه‌ژا ڤێ جارێ ژ ئەنجامێ شكاندنا پشكا رۆژهەڵاتی بوویە، ئەڤه‌ ژ توركیا درێژ دبیت هه‌تا دگه‌هیته‌ دەریایا مری.

ناڤهاتی گۆت ژی: هەرێما كوردستانێ ل سه‌ر وێ هێلا ب مەترسی نییە، ئەو پێلێن بۆ مە دهێن ژی دبێژنێ پاش لەرزە، ئه‌وێن ل ڤان هه‌ردو رۆژێن بوری ل هەرێما كوردستانێ هەست پێ هاتینه‌ كرن ئه‌و پاش لەرزەن، پشتی ئه‌ردهه‌ژا سەرەكی روودده‌ت و پتر ژ 10 جاران پاش لەرزە روودایە پشتی وێ ئه‌ردهه‌ژێ، ئه‌م ل سه‌ر وێ هێلێ نینین بەلێ كاریگەری یێن وێ بۆ مه‌ ژی دهێت.