<h3></h3> <h3></h3> <h3><span style="font-size: 18pt;">ئهڤرۆ چارشهمبی 8 شواتا 2023 ێ" ب سهرپهرشتییا سهرۆك وهزیران مهسرور بارزانی" جڤاتا وهزيرێن ههرێما كوردستانێ كۆمبوو" پهيرهوێ دهستهيا باوهريپێدانێ ب سازییان و پرۆگرامێن پهروهردێ و خواندنا بلند ل ههرێما كوردستانێ پهسهند كر و كهمپينهكا بهرفرههـ بۆ هاريكاریيا زيان ڤێكهفتيێن ئهردههژێ ل توركيا و سووریيێ راگههاند.</span></h3> <h3><span style="font-size: 18pt;">سهرۆك وهزیران ب ناڤێ جڤاتا وهزیران بههی و سهرهخۆشی و ههڤخهمێن ههرێما كوردستانێ بۆ كهس و كار و بنهمالێن قوربانی یێن ئهردههژا ههردو وهلاتێن توركییا و سوورییێ دوپات كر و گۆت: ههرێما كوردستانێ ل دووڤ شیيانان دێ ههمى ههڤكاريێن پێدڤى پێشكێشى زيان ڤێكهفتي یێن ئهردههژێ كهت و تيمهكا ههوارهاتنێ يا ههرێما كوردستانێ گههشتيیه توركیيا و تیمهك ژی دێ بهرهڤ وهلاتێ سووريا ڤه چيت.</span></h3> <h3><span style="font-size: 18pt;">ههروهسا جڤاتا وهزيرێن ههرێما كوردستانێ كهمپينهكا بهرفرههـ يا گههاندنا ههڤكارى و كۆمكرنا كهلوپهلان بۆ زيان ڤێكهفتی یێن كارهساتێ راگههاند و پارێزگار و سهرپهرشتێن ئيدارێن سهربهخۆ هاتنه راسپاردن كو رێكارێن پێدڤى بۆ ڤێ چهندێ بگرنه بهر.</span></h3> <h3><span style="font-size: 18pt;">لدووڤ دا راپۆرتهك ل دۆر رێكارێن خۆپارێزیيێ ژ ئهردههژان و بهرههڤی یێن نۆشدارى ژ لايێ رێبهر ئهحمهد وهزيرێ ناڤخۆ و سامان بهرزنجى وهزيرێ ساخلهميیێ ڤه هاتنه پێشكێشكرن.</span></h3> <h3><span style="font-size: 18pt;">ههروهسا جڤاتا وهزيرێن ههرێما كوردستانێ چارهسهركرنا كێشێن خزمهتگۆزارى وهك ئاڤ و كارهبێ ل هندهك دهڤهرێن ههرێمێ بهحسكر و لايهنێن شولهژێ راسپاردن کاری بۆ باشترکرنا خزمەتگوازییان و نەهێلانا ئاریشان بکەن.</span></h3> <h3></h3> <h3></h3>
