وه‌حید ئه‌تروشی سه‌رپه‌شتیارێ ئوفیسا ده‌زگه‌هێ خێرخوازى یێ بارزانى ل دهوكێ تایبه‌ت بۆ ئاژانسا خانى راگه‌هاند، ب مه‌ره‌ما گه‌هاندنا كاروانێ هاریكاریان بۆ لێقه‌وماوێن ئه‌ردهه‌ژا ل رۆژئاڤایێ كوردستان و سووریا بریاره ده‌زگه‌هێ خێرخوازى یێ بارزانى نڤیسینگه‌هه‌كێ ل عه‌فرینێ ڤه‌كه‌ت.
ئه‌تروشی ئاماژه ب هندێ ژى كر، ل شه‌ڤا بوورى تیمێن ده‌زگه‌هێ وان گه‌هشتینه باژێركێ جندرێس ل سنوورێ عه‌فرینێ، كو ئێكه ژ وان ده‌ڤه‌رێن ژ ئه‌گه‌رێ ئه‌ردهه‌ژێ زیانێن زۆر یێن گیانى و ماددى ڤێ كه‌فتى، و ئه‌ڤرۆ دێ تیمێن وان دێ ده‌ست ب دابه‌شكرنا هاریكاریان كه‌ن.
دیار ژى كر، مه‌ره‌م ژ ڤه‌كرنا ئه‌ڤێ ئوفسیێ ئه‌وه بله‌زتر هاریكاری بگه‌هنه جهێن كاره‌ساتی.
