<h3 style="text-align: justify;"><span style="font-size: 18pt;"><strong>شاندێ حكومه‌تا هه‌رێما كوردستانێ بۆ گوتوبێژکرنێ دەربارەی بودجە، دۆسەیێن نەفت و گازێ و ماددێ 140 و چەند پرسێن دی گەهشتە بەغدا.</strong></span></h3> <h3 style="text-align: justify;"><span style="font-size: 18pt;"><strong> </strong>ئەڤرۆ 11 شۆباتا 2023، شاندێ حکومەتا هەرێما کوردستانێ ب سەرۆکایەتییا ئاوات شێخ جەناب، وەزیرێ دارایی و ئابووری ب ئەندامەتییا هەر ئێک ژ كه‌مال محه‌ممه‌د، وه‌زیرێ كاره‌بێ و سامانێن سرووشتی به وه‌كاله‌ت، ئومێد سه‌باح، سه‌رۆكێ دیوانا جڤاتا وه‌زیران، خالد هادی چاوشلی، سه‌رۆكێ دیوانا چاڤدێرییا دارایی و جوتیار عادل، پەیڤدارێ حكومه‌تێ گەهشتە بەغدا.</span></h3> <h3 style="text-align: justify;"><span style="font-size: 18pt;">ل گۆرەی زانیارییان، شاندێ حكومه‌تێ دێ چه‌ندین دیداران د‌گه‌ل لایەنێن حکومەتا عیراقی ئەنجامدەت بۆ تمامکرنا وان گوتوبێژێن شاندێ پێشتر ل بەغدا ئەنجامداین.</span></h3> <h3 style="text-align: justify;"><span style="font-size: 18pt;">سەرۆکێ دیوانا جڤاتا وەزیران ئێڤارییا ئەڤرۆ ڕاگەهاندبوو، ئەڤ سەرەدانا شاندێ حکومەتا هەرێما کوردستانێ د چوارچوڤێ سەرەدانێن فەرمی یێن حکومەتا هەرێما کوردستانێ دایە بوۆ بەغدا ب مەرەما گەهشتنا ڕێککەفتنێ دەربارەی یاسایا نەفت و غازێ، بودجە، ماف و شایستەیێن دارایی یێن هەرێما کوردستانێ و چەندین پرسێن دی.</span></h3>
