شێروان دوبه‌ردانی: ئه‌م دگه‌شبینین كو پرۆژه‌ قانوونا نه‌فت و غازێ ژ لایێ جڤاتا نوونه‌رێن عیراقێ ڤه‌ بهێته‌ په‌سه‌ند كرن

 ئاژانسا خانی ، زنار تۆڤی:

ئه‌ندامه‌كێ جڤاتا نوونه‌رێن عیراقێ ” دیار كر: ئه‌ڤرۆ ئێكشه‌مبی 12 شواتا 2023 ێ” ” شاندێ دانوستاندكار یێ حكومه‌تا هه‌ریما كوردستانێ سه‌ره‌دانا وه‌زاره‌تا نه‌فتا عیراقێ كرییه‌ و ل گه‌ل شاندێ وێ وه‌زاره‌تێ” ل سه‌ر پرۆژه‌ قانوونا نه‌فت و غازێ كۆمبوویه‌” كو ئه‌و پرۆژه‌ ئێكه‌ ژ خالێن پیكهاتنێ د كابینه‌ما محه‌مه‌د شیاع سۆدانی سه‌رۆكوه‌زیرێن عیراقا فیدرال.

شێروان دوبه‌ردانی” زێده‌تر بۆ ئاژانسا خانی گۆت: حكومه‌تا هه‌رێمێ ل گه‌ل به‌غدا ته‌كه‌زییێ ل سه‌ر بجهئینانا وێ رێككه‌فتنێ دكه‌ت” یاكو دناڤبه‌را وان دا هاتییه‌ ئیمزا كرن” هه‌كه‌ ئه‌و رێككه‌فتنه‌ بهێته‌ بجهئینان” دێ ئه‌و ئاریشێن دناڤبه‌را به‌غدا و هه‌ولێرێ دا هه‌ین” هێنه‌ چاره‌سه‌ر كرن” د هه‌مان ده‌مدا” شاندێ هه‌رێما كوردستانێ دێ به‌رده‌وام بیت” ل سه‌ر دانوستاندنێ ل گه‌ل حكومه‌تا عیراقێ” ل سه‌ر بابه‌تێ نه‌فت و غازێ” بودجێ هه‌رێما كوردستانێ د پرۆژه‌ قانوونا گشتی یا بودجێ عیراقێ دا بۆ سالا 2023 ێ” هه‌روه‌سا مادێ 140 یێ ده‌ستووری” دیسان بجهئینانا رێككه‌فتنا شنگالێ” ئه‌م ب هیڤینه‌ ئه‌ڤ ئاریشه‌ بهێنه‌ چاره‌سه‌ر كرن.

ناڤهاتی گۆت ژی: چوونا شاندێ هه‌ڕێما كوردستانی بۆ به‌غدا گه‌له‌ك گرنگییا خۆ هه‌یه‌” ژ پێخه‌مه‌ت ئه‌و ئاریشێن ماینه‌ هه‌لاویستی دناڤبه‌را هه‌ولێرێ و به‌غدا دا بهێنه‌ چاره‌سه‌ر كرن” هه‌روه‌سا حكومه‌تا هه‌رێمێ یا پابه‌نده‌” ب وێ رێككه‌فتنا هاتییه‌ كرن” دیسان شاندێ دانوستاندكارێ هه‌رێمێ دێ به‌رده‌وام بیت ل سه‌ر گوتۆبێژان” هه‌تاكو دگه‌هنه‌ چاره‌سه‌رییێ” ئه‌م دگه‌شبینین كو هه‌ردو ئالی بگه‌هنه‌ چاره‌سه‌رییان” چونكی حكومه‌تا سۆدانی ژی یا رژده‌ كو ئه‌و رێككه‌فتنه دناڤبه‌را حكومه‌تا هه‌رێمێ و حكومه‌تا به‌غدا‌ بهێته‌ بجهئینان”

شێروان دوبه‌ردانی ” ئه‌و ژی ئاشكرا كر: پشتی كو پرۆژێ نه‌فت و غازێ ژ لایێ حكومه‌تێ ڤه‌ دهێته‌ جڤاتا نونه‌ران” لدووڤ دا لژنا نه‌فت و غازێ ل جڤاتا نوونه‌ران دێ دانوستاندنا ل سه‌ر كه‌ت و دێ ده‌نگی ل سه‌ر ده‌ت” ئه‌م د گه‌شبینین كو د ده‌مه‌كێ كورت دا ئه‌و پرۆژه ژ لایێ جڤاتا نوونه‌ران ڤه‌‌ بهێته‌ په‌سه‌ند كرن”