سوودانی داخواز دكه‌ت ئاماده‌كاری بۆ ئه‌نجامدانا سه‌رژمێرییا گشتی ل‌ عێراقێ بهێته‌ كرن

سه‌رۆكوه‌زیرێن عێراقێ، سه‌رۆكاتییا كۆمبوونا بلند یا جڤاتا بلندا ئاكنجیبوونێ ل‌ عێراقێ كر و داخوازا ئاماده‌كارییێ بۆ ئه‌نجامدانا سه‌رژمێرییا گشتی دكه‌ت.

ئه‌ڤرۆ  محەمەد شیاع سوودانی، سەرۆکاتییا کۆمبوونا جڤاتا بلند یا ئاكنجیبوونێ کر، تێدا بەلگەناما نیشتیمانی بۆ سياسەتا ئاكنجیبوونا نوو هاته‌ پەسەند کرن، كو ژ لایێ جڤاتا وه‌زیران بۆ گەشەسەندنا مرۆڤی هاته‌ پێشکێش کرن و هه‌روه‌سا ته‌كه‌زی ل هه‌موو بزاڤان كرییه‌” ژ پێناڤی ئەنجامدانا سەرژمێرییا گشتی ل‌ عێراقێ د ئه‌ڤ ساله‌ دا.

داخواز كر، هەموو شییانان و پێدڤی یێن مرۆڤی، تەکنیکی، دارایی و لۆجستی یێن پێدڤی بهێنه‌ به‌رده‌ست كرن، ب مه‌ره‌ما سەرخستنا پڕۆسا سه‌رژمێرییێ ل عێراقێ.