کۆمبوونا مەسرور بارزانی و سەرۆکێ فەڕەنسا ب دوماهی هات

کۆمبوونا ئەڤرۆ یا مەسرور بارزانی، سەرۆکێ حکومەتا هەرێما کوردستانێ و ئمانوئێل ماکرۆن ب دوماهی هات.

ئیڤاریا دوهی چارشەمبی 15 شوباتا 2023، مەسرور بارزانی، سەرۆکێ حکومەتا هەرێما کوردستانێ، ب سەردانەکا فەرمی و ب سەرۆکایەتیا شاندەکێ حکومی، گەهشتە پاریس یا پایتەختێ فەڕەنسا و ئێڤارییا ئەڤرۆ دگەل ئیمانوئێل ماکرۆنی کۆمبوو.

پێشتر ژی سەفین دزەیی، بەرپرسێ فەرمانگەها پەیوەندییێن دەرڤە یا حکومەتا هەرێما کوردستانێ ڕاگەهاند، د کۆمبوونا مەسرور بارزانی و ئیمانوێل ماکرۆن دا، دێ باس ل پەیوەندییێن دناڤبەرا هەرێما کوردستانێ و فەرەنسا، ڕەوشا ئەمنی و ئابووری، پەیوەندییێن هەولێر و بەغدا هێتە کرن.

کوردستانێ و فەرەنسا پەیوەندییەکا دیروکی هەیە و ل سەردەمێ حوکمڕانییا چەندین سەرۆکێن فەرەنسا و پشتی دەربازبوونا چەندین قۆناغێن جودا جودا هەردوو لایان گرنگییەکا مەزن دایە بەرەڤ پێشڤەبرنا وان پەیوەندییان، ل شەڕێ دژی داعش وەلاتێ فەڕەنسا د چوارچووڤێ هەڤپەیمانییا ناڤدەولەتی دا، هەڤکار و پشتەڤانەکا بهێز یا هێزێن پێشمەرگەی و هەرێما کوردستانێ بوو، بۆ ژناڤبرنا تیرۆرستێن داعش.