وەزارەتا ناڤخۆ ژمارەیەکا دەلیڤێن کاری ڕاگەهاندن

وەزارەتا ناڤخۆ یا حکومەتا هەرێما کوردستانێ ژمارەیەکا دەلیڤێن کاری ل ڕێڤەبەرییا گشتی یا بەرهەنگاربوونا توندوتیژییا ئافرەتان ڕاگەهاندن.

 ل گۆرەی ڕاگەهاندنەکا وەزارەتا ناڤخۆ، ڕێڤەبەرییا گشتی یا بەرهەنگاربوونا توندوتیژی یا دژی ئافرەتان و خێزانی یا سەر ب وەزارەتا ناڤخۆ یا حکومەتا هەرێما کوردستانێ ڤە، ب هەڤپشکی دگەل ڕێکخراواUNHCR   یا نەتەوەیێن ئێکگرتی، بۆ پلانا کاری و پرۆژەیەکێ هەڤپشک یێ سالا 2023 پێدڤی ب 22 کەسان هەیە، کو ب شێوەیێ گرێبەست دێ هێنە دامەزراندن.

ئاماژە کریە ژی، دەلیڤەیێن کاری دێ ب شێوەیێ جوگرافی هێنە دابەشکرن، پارێزگەها سلێمانیێ چار کەس، پارێزگەها هەولێرێ هەشت کەس، پارێزگەها دهۆکێ 10 کەس.

مەرجێن پێدڤی:

1- دەرچوویێ پشکێن کۆمەڵناس و یاسا و دەروونناسی بیت ئەزموونا کاری د ڤان بواران دا هەبیت.

2- ئەزموونا کارکرنێ دگەل ئاوارە و پەنابەران هەبیت.

3- پێدڤییە زمانێ کوردی و عەرەبی بزانیت، ئەگەر زمانێ ئینگلیزی بزانیت شانسێ وەرگرتنێ دێ زێدەتر بیت.

4- نابیت کەسێ پێشکێشکار چ پێگیرییەکا دی هەبیت، ئانکو نابیت فەرمانبەرێ حکومی یان کەرتێ تایبەت بیت.

5- پێشینەیێن تاوانا نەبن ژ تاوانێن مەزن و تاوانێن هەتکبەریێ.

6- ئاریشەیا هاتنو چوونێ دناڤبەرا باژێرێن هەرێما کوردستانێ دا نەبیت.

7- شارەزاییا تەمام د بەرنامێن کۆمپیوتەری دا هەبیت ب تایبەت مایکرۆسۆفت و ئۆفیس.

8- گرێبەست دێ بۆ دەمێ 10 مەهان بیت.

9- مووچە دێ ژ لایێ رێکخراوا UNHCR ڤە بۆ هێتە دابینکرن، هەیڤان ب کوژمێ 400 هزار دینارێن عیراقی.

وەزارەتا ناڤخۆ دیارکریە، هەر کەسەکێ ئەڤ مەرجە ل دەڤ هەبن و حەزا کاری هەبیت، دشێت د دەمێ حەفتیەکێ داCV  خۆ بۆ ئیمێڵێ [email protected] ب هنێریت یان راستەوخۆ ب گەهینیتە ڕێڤەبەرییا گشتی یا بەرهەنگاربوونا توندو تیژییا دژی ئافرەتان و خێزانێ ل جاددا 60 مەتری یا هەولێرێ.