ئه‌ڤرۆ شه‌مبییێ، 2023/2/18 ێ “نێچيرڤان بارزانى، سه‌رۆكێ هه‌رێما كوردستانێ ل گه‌ل پۆڵ ڕيچارد گاڵاگه‌ر، وه‌زيرێ ده‌رڤه یێ ڤاتيكانێ كۆمبوو.
د وێ كۆمبوونێ دا هه‌ردو ئالیییان ره‌وشا هه‌رێما كوردستانێ و ڕه‌وشا پێكهاتێن ئايينی، ژین و ژیارا ئاواره و په‌نابه‌ران ل كه‌مپێن هه‌رێما كوردستانێ، ره‌وشا پێكهاتێ مه‌سيحى ل هه‌رێما كوردستانێ و عێراقێ، گوتۆبێژ كر.
وه‌زيرێ ده‌ره‌ڤه یێ ڤاتيكانێ، زێده‌باری نيشاندانا پشته‌ڤانییا ڤاتيكانێ بۆ هه‌رێما كوردستانێ، خۆشحاڵى و پێزانينێن ڤاتيكانێ و قه‌داسه‌تا پاپایی بۆ ئه‌زموونا پێكڤه‌ژيانێ و ئێك قه‌بووڵكرن و لێبورینێ دناڤبه‌را پێكهاتێن ئايينى و نه‌ته‌وه‌يی ل هه‌رێما كوردستانێ دوپات كر، هه‌روه‌سا هه‌لویستێ مرۆڤ دۆستى و مێهڤانپه‌روه‌ری یێ هه‌رێما كوردستانێ به‌رامبه‌ر ئاوارێن مه‌سيحی و ئاواران ب گشتى، ب ئه‌رێنى هه‌لسه‌نگاند.
نێچيرڤان بارزانى، سوپاس و پێزانينێن هه‌رێما كوردستانێ بۆ پشته‌ڤانیییا ڤاتيكانێ و پشتی سه‌ره‌دانا قه‌داسه‌تا پاپایی بۆ عێراقێ و هه‌رێما كوردستانێ ده‌ربڕى و ته‌كه‌ز كر ” كو هه‌رێما كوردستانێ وه‌ك هه‌رده‌م دێ ب لاندكا پێكڤه ژيانێ و ئێك قه‌بووڵكرن و لێبورینێ بۆ هه‌موو پێكهاتان مینیت.
