ئەڤرۆ 18 ی شواتا 2023 ێ، ڕۆژناما ” ئهلسهباح” یا عێراقی، نڤێسینهك بهلاڤكرییه و د راپرسییهكێ دا گۆتییه “خەڵک بێ هیڤی بوویه ژ دەستههلاتا سیاسی یا هەرێمێ و دخوازن ڤهگهرنهڤه سەر بەغدا”.
ئەو سەنتەر و ڕاپرسییا وێ ڕۆژنامێ پشت بهستن ل سهر كری، چ بنەمایهكێ زانستی نینە و دوورە ژ ڕاستییێ، ههكه ب راستی ڕۆژناما ( ئهلسهباح ) و ئەوێن ل پشت وێ چهندێ ، باوەڕی ب وێ ڕاپرسییا، ل 25 ی سێپتهمبەرا 2017 ێ، كو پرانییا هەرە زۆر یا خەلکێ کوردستانێ، د مهزنترین ڕاپرسی و ڕیفراندۆما جەماوەری و دەنگدانا ئازاد دا، ئاخفتنا خۆ کر و دەنگێ خۆ دا بۆ جۆدابوونێ، بەلێ دەستههلاتدارێن وی دهمی یێن بهغدا ، ب هێرشا لهشكهری و ب کارئینانا سوپایی ل دژی خەڵکێ کوردستانێ و گەمارۆدانێ، بهرسڤا ڕیفراندۆمێ و ڕایا خەلكی دا.
خەڵکێ پارێزگههێن عیراقێ، ب خۆ شههدهییێ ددەن ، کو هەرێما کوردستانێ ژ ڕوویێ پێشکەفتن و ئاڤەدانییێ و خزمەتگوزارییان ڤه، ب چەندین سالان ل بهری دهڤهرێن دیتر یێن عیراقێ یه، ئێدی چاوا خۆزییان ب هندێ دخوازن و داخواز دکەن ڤهگەرنهڤه سەر جههكێ كو د هەموو بیاڤان دا وێران و کاڤل بوویە!
هەرێما کوردستانێ، خودان قەوارەكێ یاسایی و دەستوورییە و بەرهەمێ خوینا هزاران شەهید و خۆڕاگری یێن پێشمەرگێن قههرەمانە و چ دەستههلاتهكێ شییانێن هەڵوەشاندنا هەرێما کوردستانێ نینە و ب نڤێسینا ڕۆژنامەكا لبهر نهمانێ ژناڤ ناچیت” کو پارەكێ زۆر ل وێ رۆژنامێ دهێته خەرج كرن و کەس ژی هەر نزانیت مایە یان هاتییه داخستن!
