وەزیرێ ڕەوشەنبیری: بابەتێ ڕۆژناما سەباح بزاڤەکا نەزوکە بۆ دژایەتیکرنا هەرێما کوردستانێ  

وەزیرێ ڕەوشەنبیری و لاوان یێ هەرێما کوردستانێ دەربارەی ڕاپرسییا ڕۆژناما سەباح یا عیراقی بەلاڤکریە و دبێژیت:” بەڵاڤکرنا وان جۆرە بابەتان دچنە د چوارچووڤێ تێکدانا ئاسایشا جڤاکی و پێکڤە ژیانا ئاشتیانە دا و بزاڤکنە بۆ چاندنا گیانێ رەق و دژایەتیکرنێ.” هەر وەسا دبێژیت:” بزاڤەکا نەزوکە بۆ دژایەتیکرنا کیانێ دەستوورێ هەرێما کوردستانێ.”

ئەڤرۆ ڕۆژا دووشەمبی 20 شوباتا 2023، حەمە حەمەسەعید، وەزیرێ ڕەوشەنبیری و لاوان یێ هەرێما کوردستانێ دەربارەی ڕاپۆرتەکا ڕۆژناما سەباح یا فەرمی یا عیراقی کو ل ڕۆژا 18 شوباتێ بەڵاڤکربوو، ڕۆنکرنەک بەڵاڤکریە و دبێژیت:” هەر جۆرە گوتارەکا نەیارێن دۆزا ڕەوا یا گەلێ کوردستانێ و کیان و قەوارەیێ دەستووری یێ هەرێما کوردستانێ شەرمزار دکەم، پێدڤییە هەمی لایەک ب تایبەت میدیایێن عیراقی، د چوارچووڤێ بنەمایێن چەسپاندی یێن دەستووری پەیامێن میدیایی ب داڕێژن و پێگیری بنەمایێ سیستەمێ فیدڕالی بن، کو د دەستووری دا هاتینە بنەجهـکرن و گەلێ عیراقێ دەنگ ل سەر دایە.”