وەزارەتا پەیوەندییێن عیراقێ ب مەرەما ئەرزانکرنا بهای و باشترکرنا کۆالێتییا ئەنترنێتێ نڤیسارەک ئاراستەی کۆمپانییێن ئەنترنێتێ کریە.
وەزارەتا پەیوەندییێن عیراقی ڕاگەهاند، پشتی کو گوتوبێژ ل سەر کێمکرنا بهایێ ئەنترنێتێ هاتینە کرن، ب بهایێ پشتەڤانیکری بڕیار هاتە دان، 100 گێگا بایتێن ئەنترنێتێ دگەل 10 گێگابایتێن دیاری ب بهایێ 15 هزار دیناران بهێنە فرۆشتن.
ئاماژە کریە ژی، 200 گێگا بایتێن ئەنترنێتێ دێ ب 30 هزار دیناران ب وەڵاتییان هێنە فرۆشتن زێدەباری 50 گێگا بایتێن دیاری، هەروەسا 300 گێگا بایت ب 40 هزار دیناران دگەل 100 گێگا بایتێن بێ بەرامبەر و 500 گێگا بایت ب 60 هزار دیناران دگەل 200 گێگا بایتێن بێ بەرامبەر.
د پشکەکا دی یا ڕاگەهاندنێ دا هاتیە، ئەڤ بڕیارە دێ ل دەستپێکا مەها بهێت هێتە بجهئینان و دی کۆمپانی هێنە پێگیرکرن ب دانانا پیڤەرەکی بۆ پیڤانەکرنا لەزاتی و قەبارەیێ مەزاختنا ئەنترنێتێ بۆ وەڵاتییان.
