کۆمیتەیا پاراستنا رۆژنامەڤانان: 2022 ێ ساله‌كا خویناوی بوو ژبۆ رۆژنامه‌ڤانان

كۆمیته‌یا پاراستنا رۆژنامه‌ڤانان دیار كر: سالا بورى ژبۆ رۆژنامه‌ڤانێن سه‌رانسه‌رى جیهانێ، ساله‌كا خویناوى بوویه‌.

هه‌روه‌سا گۆتییه‌: روومالکرنا شه‌رێ ئۆکراینا، ئالۆزی و خۆنیشاندانێن ئیرانێ و رۆژهەڵاتێ کودستانێ ژ ئه‌گه‌رێ گیان ژ دەستدانا ژینا ئەمینی، کچا کورد و ڤه‌كۆلینا گەندەلییێ و گرووپێن تاوانبار ل ئەمریکا لاتین، دیارترین فاکتەر بوون کو کۆمیتەیا پاراستنا رۆژنامەڤانان به‌حس بكه‌ت ل سالا 2022 ێ كو رۆژنامەڤان ژ ئه‌گه‌رێ وان بووینه‌ قوربانی.

کارلۆس مارتینێز، رێڤەبەرێ پرۆگرامێ کۆمیتەیا پاراستنا رۆژنامەڤانان دبێژیت، “خویناویترین ده‌ڤه‌ر بۆ رۆژنامەڤانان ل سالا 2022 ێ کیشوەرێ ئەمریکا بوو” ئەڤه‌ زۆرا مه‌زنه‌ ژبەر هۆکارێن جۆدا، چونکێ چ شه‌ر ل وێرێ نینن.

 هه‌روه‌سا دیار كرییه‌، ل ساڵا 2022 ێ دا 67 رۆژنامەڤان ل جیهانێ هاتینه‌ کوشتن کو 41 کەس ژ وان راستەوخۆ ژ ئه‌گه‌رێ كارێ وان بووینه‌ ئارمانج و هاتینه‌ كوشتن.