بارهگایێ بارزانى پهیامهك ل دۆر بیرهوهرییا سهرهلدانێ بهلاڤكر و ئاماژه ب هندێ دا، جهێ مخابنییهكا مهزنه ل بیرهوهرییا راپهرینێ حزب و لایهنێن سیاسى و لایهنگرێن وان بزاڤێن هندێ بكهن ئهوێ بیرهوهرییێ بكهنه حزبى و ههر ئێك ب جۆرهكى خوه بكهته خۆدانێ راپهرینێ.
دهقێ راگههاندنا بارهگایێ بارزانى:
ب ناڤێ خۆدێ مهزن و دلۆڤان
جهێ مخابنییهكا مهزنه د بیرهوهرییا سهرهلدانێدا حزب و لایهنێن سیاسى و لایهنگرێن وان بزاڤێن هندێ بكهن كو ئهوێ بیرهوهرییێ حزبى بكهن، و ههر ئێك ب جۆرهكى خوه بكهته خۆدانێ ئهوێ سهرهلدانێ.
سهرهلدان دهرئهنجامێ ئێكرێزى و تێكۆشانا ههموو لایانه، یێ جهماوهر و لایهنێن ناڤ بهرهیێ كوردستانێ و پێشمهرگهى و رێكخستنا نهێنییان و ههموو چینێن جوودا یێن كوردستانێیه، و درێژهدانا خهباتا دوور و درێژ و بهردهوام یا گهلێ كوردستانێ بوو.
پهیام و ئارمانجێن سهرهلدانێ د بلند و گرانبها و نیشتیمانى و نهتهوهیینه، و نابیت ببنه حزبى و بچووك ببن و ژ مانا و و گهوههران ڤالا ببن، راپهرین ب رهنج و ماندیبوون و بزاڤێن ههموو لایهكى سهركهڤت، لهوما خۆدانێ درووست و راستهقینه یێ وێ روودانا مهزن، كوردستانه ب ههموو حزب و لایهن و كهسایهتى و وهلاتیڤه.
